Во моментов успешно соработуваме со повеќе од 100 мали, средни и големи компании од Скопје, на кои секојдневно им обезбедуваме професионални и сигурни комунални услуги. Соработката со секој клиент се реализира преку јасно дефинирани договори, усогласени со специфичните потреби, динамиката и начинот на извршување на услугите. На тој начин овозможуваме флексибилност, навремена реализација и висок квалитет на услугата, прилагодени на барањата на секој корисник.

Нашиот пристап секогаш е насочен кон потребите на клиентите, со фокус на брзо, ефикасно и професионално извршување на услугите. Покрај корпоративните корисници, услугите за физички лица исто така се организираат согласно нивните индивидуални потреби, по претходен договор за времето, начинот и динамиката на реализација.

За непречено и квалитетно извршување на сите активности, располагаме со современ и редовно одржуван возен парк од специјални комунални возила, кои ги исполнуваат сите безбедносни и технички стандарди:

• 3 специјални камиони за собирање и транспортирање комунален отпад, опремени за подигање канти од 80, 120 и 240 литри, како и пластични и метални контејнери од 1.1 m³ и контејнери за кабаст отпад од 5 m³ и 7 m³. Возилата имаат капацитет од 23 m³ и систем за пресирање на отпад со сооднос 1:5, односно максимален капацитет до 115 m³.
• 3 специјални камиони за собирање и транспортирање комунален отпад со капацитет од 13 m³, опремени со систем за подигање канти и контејнери, како и механизам за пресирање на отпад со максимален капацитет до 65 m³.
• 2 цистерни за чистење отпадни и фекални води, опремени со систем за отпушување канализација со вода под висок притисок, со капацитет од 14 m³.
• 1 цистерна за чистење отпадни и фекални води со опрема за отпушување канализација под притисок, со капацитет од 10 m³.
• 2 цистерни за техничка вода, опремени за перење улици и јавни површини со вода под висок притисок, со капацитет од 8.000 литри.
• 2 камиони подигачи за транспорт на контејнери од 5 m³ и 7 m³, наменети за собирање и транспорт на кабаст и градежен отпад.
• 3 камиони кипери, опремени со нож за чистење снег и систем за расфрлање сол и ризла, наменети за зимско одржување на патишта и јавни површини.

Компанијата располага и со стручен и обучен тим за извршување на комуналните услуги, на кој му се обезбедени соодветни услови за работа, професионална опрема, алат и заштитни средства. Особено внимание посветуваме на безбедноста и здравствената заштита на вработените, преку примена на сите мерки за превенција и заштита согласно законските прописи и здравствени стандарди.